盘口分析：红军勇锐吼半W

榜首嘅利物浦今日早场作客宾福特，「红军」早就适应冇咗穆罕默德沙拿嘅踢法，呢名埃及射手缺阵对利物浦影响唔算大，前线有足够人手，加上佢哋下周要应付对卢顿嘅补赛，今场必定速战速决，等主力休息备战英联盃，半场客胜有计。

其实近排利物浦个势算唔错，输畀阿仙奴只系对方表现太好。穆罕默德沙拿早於一月初离队踢非国盃，即使之後呢名埃及球星受伤未能为「红军」上阵，利物浦仍然取得6胜1和1负，成绩未受影响。

喺达云纽尼斯、迪亚高祖达同路易斯迪亚斯3箭头组合带动下，红军喺上述8场合共射入22球，攻力无坚不摧，早几日仲话沙拿已经复操，除咗增强板櫈深度，最重要可以令「三叉戟」冇後顾进攻。

另边厢，宾福特最近虽然击败狼队止血，但今季面对劲旅成绩麻麻，之前接连不敌曼城及热刺，今场对住「红军」相信难以抗衡。利物浦近4次对「蜜蜂仔」3次半场领先，加上「红军」下周中先对完卢顿，仲要喺英联盃决赛斗车路士，争夺今季首个锦标，预料领队高普会吩咐球员速战速决，半场客胜有计。