拖肥水晶宫旺半和追多铺

英足盃第3圈重赛，爱华顿返主场再斗水晶宫。上次交手踢成0比0，未分高下，事实上两队无论实力同联赛排名都好接近，今次再交手都系难分胜负，而且包括上次和波在内，双方近3次交手全开半场和，再追半场和啱数。（周四凌晨3时45分开赛）

根据上次两队对赛数据显示，双方射门同控球率都非常接近，甚至连角球次数都打和，爱华顿喺末段有卡维特利云被罚红牌出场，要10人应战力守至完场。

今场虽然有主场之利，仲有卡维特利云红牌被撤销可以上阵，但佢上场联赛对阿士东维拉嘅表现大家有眼见，呢位前锋今季忘带射门鞋，近16场只入1球，对上一次入波已经系上年10月，今场仲想靠佢，「拖肥糖」想入波唔系咁易。

水晶宫上次对爱华顿後，有个几星期休息，球员抖到够，而阵容亦同上场分别不大，前锋佐敦阿休暂时离队踢非国盃嘅空缺，继续由小将马菲奥斯法兰卡补上，但系米高奥利斯伤势仲未复原，冇咗呢位翼锋，球队攻力难免受影响，而且今场仲要作客，相信老帅鹤臣都会稳阵行先，既然双方对赛旺半场和，不妨再追。