足彩分析：捷克唔使急细链摩尔多瓦

欧国外E组出线关键战，捷克主场斗摩尔多瓦。捷克今场只要和波就可保住次席资格，主场出击唔使同你急。今场对赛双方近期都脚头无灵，捷克近4场欧国外赛事，3次开2球或以下，今场宁捧2.5球入球细。（周二凌晨3时45分开赛）

目前呢组榜首阿尔巴尼亚已肯定出线，捷克以12分排次席，完成晒赛事嘅波兰11分排第3，摩尔多瓦落後1分排第4，换句话讲，波兰已经出局，今场摩尔多瓦一定要赢波，先可以反压捷克，历史性首度杀入决赛周，相反捷克和波都可以保住次名，连续8届进入决赛周。

不过双方近况都唔系太好，捷克近4场欧国外只赢过1场，仲要系主场以1比0险胜「鱼腩部队」法罗群岛，4场夹埋入得3粒，有3场开2球或以下。至於摩尔多瓦近5战同样只得1胜，咁跷都系赢法罗群岛1比0，不过摩尔多瓦就系作客赢。既然佢哋近5战4场开细，相信捷克即使主场都唔使急住抢攻，入球细好路。