赛事前瞻：拿玻里势勇开W无兰度

要数欧洲今季最具霸气球队，喺意甲遥遥领先嘅拿玻里绝对系热门之选，佢哋喺联赛同欧联都展示出惊人实力，攻击力堪称欧洲最强，今晚欧联16强首回合作客法兰克福，挟5连胜强势出击，有力反客为主先赢一场，客胜非常抵玩。（Now 644周三凌晨4时直播）

拿玻里喺意甲领先次席国际米兰15分，夺冠路非常稳阵，注意力肯定会集中喺欧联身上，希望挑战呢项欧洲最高荣誉冠军。拿玻里喺分组赛6战5胜，只系喺已出线情况下留力输波，6场分组赛入20球亦属欧联火力最强球队，实力同状态都极有保证。

拿玻里近期愈战愈勇，近5场赛事全胜，其中4场系赢2球或以上，表现好有说服力，就算作客亦连续4场派蛋赢波，以域陀奥森汉为首嘅锋线无坚不摧，目前欧洲冇几多队可以阻止佢哋赢波。

法兰克福虽然系上届欧霸盃冠军，但欧联舞台始终级数有别，呢队德甲劲旅分组赛3仗主场仅得1胜，战斗力同一线球队仲差一班。法兰克福踢法主攻，但拿玻里出名反击力一流，今场随时会被客队快速突击打爆，撑拿玻里开客W。