赛事前瞻：布拉加主场攞W最拿手

欧协联淘汰圈附加赛首回合，葡超劲旅布拉加主场迎战意甲嘅费伦天拿，主队近年喺欧洲赛进步神速，尤其主场战绩非常杀食，对住卷入联赛护级漩涡嘅「紫百合」，绝对有能力先拔头筹，主胜值得捧场。

（周五凌晨1时45分开赛）

布拉加今季喺葡超加入争冠行列，同波图、宾菲加两大班霸竞争，亦系上届欧霸盃嘅8强分子，实力唔需要怀疑。佢哋今届欧霸盃分组赛虽然只排第3未能晋级，但「空降」欧协联仍大有可为，尤其佢哋主场威力极强，近9仗欧洲赛主场，拎到7胜1和1负嘅佳绩，地头出击表现极有保证。

费伦天拿已经今非昔比，喺欧协联分组赛亦只系次名出线，近6场比赛只系喺意盃赢过1场，联赛5轮不胜後依家只系距离降班区7分，而且不足48小时後又要喺意甲对安玻里，兵源同精神都难以兼顾两条战线，今场布拉加赢面甚高。